कला अनुरागी

राजन मुकारुङ ।  पछिल्लो समय चर्चामा रहेको उपन्यास ‘दमिनीभीर’ का लेखक । उनलाई भेटियो , कोटेश्वर सेतीओपीमार्गको चियापसलमा । उनीसँगै मुस्कुराउँदै हात मिलाए एक युवकले । परिचयपछि थाहा भयो , ती युवक मुकारुङले लेख्न लागेको नयाँ उपन्यासका पात्र रहेछन् । जनयुद्धमा प्रत्यक्ष सहभागी ती पात्रसहितको कथामा उनी अयोग्य लडाकुबारे उपन्यास लेख्ने तयारीमा रहेछन् । यसरी पात्रसँगै हिँडिरहेका मुकारुङले सविस्तार सुनाए ‘ दमिनी भीर ’ लेख्दाका दश कुरा । १. पात्रको बोलीबाट वाक्य – संरचना मुकारुङ भन्छन् , ‘ वास्तविक पात्र नै धेरै छन् उपन्यासमा । ’ त्यसैमध्येका आफ्नै छिमेकी ‘ लच्छी ’ र उनलाई प्रेम गर्ने ‘ धौले कान्छा ’ लाई भेट्न गाउँ पुगे । (यसैबीचमा उनले बताए कि अहिले उनीहरूबीच विवाह भइसकेको छ) उनीहरूसँग कुरा गरे । उनले बाझाबाझ गर्दाको (उपन्यासमा लच्छी र धौले कान्छा सडक खन्ने वेला अक्सर बाझाबाझ गर्छन्) वाक्य लच्छीलाई पटक – पटक भन्न लगाए । ‘ उनले लामो वाक्यमा पनि बोलिन् । मध्यममा पनि बोलिन् । जब छोटो वाक्य बोलिन् । त्योचाहिँ साह्रै मीठो र ‘ टच्ची ’ लाग्यो । सट्ट लेखेँ । सुन्दर लाग्यो । अ...